Станцыі, паўстанкі,
Вясёлыя, як церамы, дамы;
Палі зялёныя, прывольныя
І залатыя;
І цёмныя, дрымучыя лясы.
Адвечныя, купаюцца ў сонцы
На Беларусі, у маёй старонцы.
Там бусел ходзіць
Важна і спакойна,
Як той заможны гаспадар.
Бусліха з дзеткамі яго чакае,
Чакае жабу ў дар.
Лісіца з жураўлём
Вядуць перагаворы
Пра шчасце, ласку і жыццё.
Магутны зубр не страцiý гонар,
Глядзіць на лося з пачуццём.
Алень свой голас развівае,
І стада пры сабе збірае.
А лес шуміць - шуміць,
Гамоніць,
І рэкі вольныя цякуць.
Зязюля часам так зазвоніць,
Што ўсе гады жыцця прайдуць
У думках, у вачах тваіх:
Адчуеш іх у сваіх далонях,
Захочаш раз яшчэ пражыць
Сваю вясну і сваё лета,
І сваю восень яшчэ раз...
Каб аганёк той не пагас,
Што грэе сэрца і жыццё;
Агорне праўды пачуццё -
Што памiраць настае час.
2012 г.
